Ang mansyon ng mga Aguinaldo o Gen. Emilio Aguinaldo Shrine sa Kawit, Cavite ay isa sa mga lumang istruktura na aking gustong maabot at ngayong araw, naabot ko rin ito sa wakas. Galing ng Baclaran, ang probinsya ng Cavite ay halos isang oras lamang na biyahe dahil sa Cavitex na nagpagaan ng trapiko sa lugar. Sa post ko kahapon, ipinakita ko sa inyo ang maaliwalas na bakuran ng mansyon. Ngayon, loob naman ng mansyon ang aking ibabahagi.